...........
من بحتك أشرب
يا صوت بيسحرنى
ما اقدرشى يوم أهرب
ولا شئ يغيرنى
كل الكلام مطفى
يا همسة الإعزاز
إسمع بقى عزفى
يا رنين وتر ألماظ
أنا لحظتى جنبك
تِسوى سنين وسنين
قلمى الحزين حَبك
يا عيون سكوتها حنين
سامحنى .. مش قادره ..
ع البعد يا ملهوف
جوايا نار هادره
إنسانى ليله يا خوف
طايره أنا بعنيك
عايشه ما بين أفلاك
لما وصلت إليك
فجأه .. لقيتنى ملاك
آه يا حبيب الروح
يا سفاين الإخلاص
لو ليله تانيه هابوح
هاصبح قمر وناس
فرحتنى بلقاك
يا سكة الرياحين
ولا لىّ حد سواك
موجود يا نور العين
الفرقه لىّ جفاف
والبعد عنك موت
لو حتى لقمه حاف
هاوصل إلى الملكوت
........
عبيــــــــــر الجنـــــــــــدي
ليست هناك تعليقات:
إرسال تعليق