الأربعاء، 16 أغسطس 2017

جبـــــل الهـــــوى والشــــــوق بقلم عبيـــــــــر الجنـــــــدي


جبـــــل الهـــــوى والشــــــوق
.......................
بقول يا حبيبى .. يا تكعيبتى .. يا عنيَّه
أنا بصه .. وحاسه باللى كان جواك
تعالى .. لبابى شوفنى واقفه فى الشباك
تعالى هنى بيك قلبى .. وسيب الرزق جوه شباك
باحبك إنت لا أملك .. أنا يا حبيبى إلا عنيك
بلاش أرجوك تسيب القلب .. تاخده زحمة الدنيا ..
ويتهجاك بدقاته .. ويكتب ليك .. ويبكى عليك
صحيت الفجر .. كان إسمك بيتردد بصوت مخنوق
فبصيت فوق ..
على جبل الهوى والشوق .. لقيت الديك
بيدن فيك 
وقلبى سحابه مرسومه بتنده ليك

أنا يا حبيبى .. شفتك حارس الأيام .. مع الأحلام
وشفتك فارس السكه
تجيب الضحكه لىّ .. من ليالى العتمه والتوهه
وتوهب لىّ فى عز الشجن ضحكه
باحبك حب ربانى على العزه
ونفسى كل يوم أحظى .. بكلمه ترد فى روحى
يا ضوء مصباحى لو طالت ليالى الخوف
أنا قلبى عليك ملهوف .. وبينادى
عنيك يا حبيبى زادى .. وخطوه مدروسه
وروحك طاهره .. حساسه
يا أشعار الهوى المكتوبه جوه الروح
ومرسومه فى كراسه

بقول يا حبيبى .. تتفتح زهور قلبى
واقول يا حبيبى .. ألقى النور .. صديق جنبى
واقول الله على حبى .. على الإخلاص
لأنك عندى أحلى الناس .. وأغلى الناس ..
وكل الناس
باحبك يا قمر حساس .. على الطرقات
باحبك حتى لو قالوا .. دا 
بدر الحب من بعد المحبه مات
يا فارس حارس القلب اللى محتاجك
أنا من مُده .. ساكنه كل أبراجك
ومركبتى إذا ما الريح .. خدتها فى يوم ..
بتنده بالهموم والشوق على موجك
....... عبيـــــــــر الجنـــــــدي .......

ليست هناك تعليقات:

إرسال تعليق

نورا تجلى بقلم شاعر الناي الحزين محمود درويش

 نوراَ تجلي. .......... لما لاح في الأفق اسم محمد تهللت السماء بالضياء والطير غردا كانت الدنيا بالجاهلية في ظلام فأقبل خير الأنام بالضياء مت...