صار الوقت بقلم سليم عيسى

صار الوقت من طَلتَك بيهِلّْ
 لمَّا عَ صوتَكْ صار الفَجِر يطُلّْ

و رِجعِتْ عَ صفوف روح مِلياني
 عَ دِنية ورد رايقة بالحب حِلياني

وقِدَّام دَربك يزرع عطر وفِلّْ

يا رفيقي بوجودك صار الوقت ينعاد
يرسُم قوافي ولاد تيابهم كتير جداد
 بطوي المسافي بين العماد وبلاد

ومن لَهفة البال عليك البال بِيدِلّْ

ضِحكتَكْ عادة وطن عالقة بالبالْ
يا قلب طيب مجبول بسواقي جبالْ
يِوَزِعْ صدى موالْ
بيقول كيف الحالْ
 ومن لَمسي حنوني جوا القلب بتَضلّْ

تحية للأصدقاء ...
سليم عيسى..