لحظة سكوت بقلم امل عبدالله عابد

لحظة سكوت
عايزة أخلص عايزة أموت
محتاجة أبطل كلام
روحي تمشي بسلام
بهدوء ...من غير آلام
لحظه سكوت
أشيل من وردي شوكه
أعلم الكفن الإبتسام
ويبقى قبري روايه غرام
مش حرام
لحظه سكوت
بعد ما شفت الخداع
والعمر مني ضاع
والنهاية ...الوداع
لحظة سكوت
تمشي فيها الذكريات
تسمعني ....الآهات
سيمفونية سنين
مليانه بالأنين
ووسط موج الحنين
محتاجة لحظة سكوت
عايزة اغمض عيني... أموت
لحظة سكوت
مش فارق معاكم كتير
أنا المسجون والأسير
أنا اللي مات قلبي الكبير
والنهاية واحدة
هتعرف ألف واحدة
وتمشي بيك الحياة
آه....والف آه....
محتاجة لحظة سكوت

#امل عبدالله عابد