الصـــــــــــبر..........مـــــــــوال بقلم الرائع الأستاذ محمد ابو الفتوح

الصـــــــــــبر..........مـــــــــوال
ياراكب حصـــان الصبر تعب ضهر الـــحصان من حَمــــلك
سنين كتير فاتت وانا شـايل على ضـهري تقيل حِملــك

لفيت تدورعلي غيرك يشيل عنك ولوحتى ليوم هـــمـك
ورحت محتار بين الناس بتسأل مين خـالك ومين عـــمك
ولا عمك أخــو أبوك حينفع ولاخالك يامسكين أخــــو أمك
فاكر قريبك في يوم حتصعب عليه والاحيقول أشيل عـنك
والاحايخد بيدك ويديلك من شقاه او يطعم في يوم فُـمك
ده لوعطاك في يوم رغيــف بكل لقمة من رغيفه حــيذلك
واياك تمد إيدك في طبق الغريب ده اكل الغريب حـايسمك
واوعي للخسيس حيضحك في وشك وهومن وراك بيذمك
دور علي سعدك بايدك واشقي وهات رغيفــك ولايـهـمك
صدقنى مفيش غير كتفك انـت اللي راح يشـيـــل همــك
محمدابو الفتح