..........................
من كتر الظلم مش باين النور
حتي بصيص الأمل محـــشور
والشمس فاحت النهار ضوء
بس العيون شايفاه مهــــجور
لما إحساسك يلقا الـــهدوء
بس هدوء قاتل مذعــــــــــور
والناس حواليك في طابـــــور
والوشوش ملامحها خلا وبور
حتي شوفوا شكل الطـــــيور
بتجري وتخاف من الدبـــــــور
والفضا براح بس شكله محصور
ولا انا بخرف وبيخوني التعبير
ولا حياتي عشش فيها الفتور
ولا لســاني إتلزق في الـــزور
صحيح انا مين واطلب شعـــور
وأحايل البحر يعرفني البحــــور
و حر المناخ لخبط لي التفكير
والقلم من خوفة عاش مكسور
و عمري بيهنج وملهش ســـور
والشفافية بقت عتمه وكستور
والجاه بقي تكبر وعظمة وغرور
حتي ريحة الحياه بتشع شـــرور
فين العادات والتقاليد والعبــــــير
وعناقيد الفل اللي علي الصدور
والبساتين اللي مليانا زهـــــــور
عطشانين للي يسقيها غــديـــر
ونخــوة الغني علي الفقيــــــــر
عندنا الكتاب والسنة والخــــــير
مهجورين ومتحفظ عليهم دهور
الأمل فيهم والفقهاء طراطـــــير
والضحكه ع الشفايف ديكـــــور
..........................
.................. إحســاس/ حسـن الشـوان ................
........................7/
ليست هناك تعليقات:
إرسال تعليق