يامرايه الحب ليه عاميه ومكسوره
يامزوقه القرد في اصله وفي الصوره
الحب هو الجمال والزوق والرقه
طب ليه قلوبنا علي الاوجاع مجبوره
عجبي
***
مغرور وفاتح لكبره والغرور ميت باب
م الكبر هيطق لاصحبه ولا احباب
عايش بفكره العليل علي ايه متكبر
ياعم حلمك د اخرك هو كف تراب
عجبي
*****
تعالي يابني اوريك الحياه مظبوط
احلام بنجري وراها وننضرب بالسوط
فيه اللي بينول مراده واللي حظو قليل
وعجب العجب ف النهايه الكل مش مبسوط
عجبي
***
فارد دراعي بطول شجر الكافور مادد
حاضن قلوب قافله ابوابها وبتعاند
يابايع الصبر املا الكاس واسقيني
تعبت من قلب لابيرضي ولا يهاود
عجبي
ليست هناك تعليقات:
إرسال تعليق