مش مصدقة بقلم أحمد فارس الينايري

مش مصدقة 

قالتلي مش مصدقة 
ازاي تحب 
و انت اصلا ضرير 
قالتلي ازاي 
انت قلبك لسة حي
و دمك مغرق السرير 
قالتلي مش مصدقة 
انك تتولد بني ادام 
و تعيش طاهر 
طاير زي الطير
وتاكل اكلنا 
و تشرب شربنا 
و تلبس لبسنا
و يفضل جسمك 
نقي زي الحرير 
قالتلي مش مصدقة 
ازاي تعشقني
و كلنا عرفين 
ان الوجع والسهر 
هوه القدر والمصير 
مش خايف
لرجلك تغوص 
في بحر غويط
مالوش نصير
قالتلي مش مصدقة 
يا ابو قلب 
زي العصفور
عيونك لوحدها 
حدوته و لسانك
لو نطق... 
بيغنيني عن النور
الحب حمله تقيل 
و احمل يا حمام 
شوقي وطير 
قال لا 
منين اجيب حيل 
انا سبت حملي للبعير 
قالتلي مش مصدقة 
منين جب ميه توري
و ازاي الليل يسيبك
قبل الفجر تنوي 
و معقولة النهار 
ساب الورود تطرح
و الوجع سابك لحاد
ما بقيت في العشق كبير 
قولتلي بحبك ...
قلت يمكن مش ليا
قلت يمكن الحمام
وهوه معدي ع بينتا
صعب عليه حالي
فرامها عليا 
و الحمام اصله طيب
ياما بيرمي كتير
رجع يكررها تاني
استني انت يا حمام
دا الكلام
اتقال منه علشاني 
ازاي يا فارس تحب
و الكون بعد وجع
ليلي العامرية
اتقلب حاله و ماله
و اتغير مليون تغيير
كلامك ملي الكون
قبل ما يمر ع وداني 
الحقيقة مش شيفاها
بس انا متأكدة 
ان الحقيقة شيفاني 
قول تاني و احكي
و اقرا بالراحة عليا 
القصيدة من تاني 
انت فارس ابن العشق
و انا سلمي العامرية 
احكيلي ازاي قدرت
تشيل في قلبك 
العالم كله علشاني
و قلبك لسه صغير 
مين علمك الصيد
وصيد القلوب اصله
متعب جدا وخطير 
احكي لا الليل هيمشي 
وحمام العشاق ع حكايتنا
تاب وسكن عشه
ومن يوم قلبك ما حضر
بطل يرمي و يطير 
احكي و انا سمعاك
قلبي لسه ف ايدي
بس عقلي معاك
احكي من غير فلسفة
من غير ما تعمل
فيها شاعر كبير
احكي وقوللي ليه
خبيت صورتي 
عن الناس و بلاش
تقوللي انك بتغير
انت لحقت تسلم
و تسلم قلبك للهوي 
و لا الهوي يا شاعر
عندكم مالوش كبير
ليلك شكله هيطول
احكي بقي من الاول
طيرت النوم من عيني
وعمري علي ايدك
شكله كدة هيطير
__________________
أحمد فارس الينايري

 —