وادوور...اسبح كماالدراويش
وسكنانى بنات الحور
انا زى مااكون مولودة عشان
جوَّاك تحبي وتقابل طيفك المجنون
فتداوى بايدك أوجاعى
وبرقوة بسورة ومعوذتين
وبسركلمة كن فيكون
تجبرقلب عاش مكسور
ولأول مرة بخطى جوَّا سردابك
وبسمع صوتك المسجون
واسافر حتى اعتابك
واهاود للقا يسمح يصالحنا
ويتهاود...لصالحنا
فنتقابل على بابك
والاقى ركن بيسافركما الاشباح
ف أرض براح
بساط الريح يطوحنا
والِف معاك لآخرنقطة ف الأحشاء
لحرف الياء يطبطب فيه على جروحنا
ولانفارق مطارحنا
لأول مرة يادى الشوق بحب وادوق
واجرب كاسة العشاق لقاوفراق
بطعم مرار عسل صبار
وبيرضلمة وماله أرار
ونوربيشُق ليل العتمة
يصحي ف ناس كانت نايمة
وموِّت ناس كانت أحياء
لأول مرة ياسفينة بترسى لشط ولمينا ونتاخدفتخدينا لبطن الحوت فيبلعنا
ونبكى جوَّا أحشاؤه فيرمينا
وانا لاكنت يوم يونس
ولاموسى اللى قابله الموت
ونام سالم ف قلب تابوت
وعاد بسلامة للدنيا
لاول مرة اقول حبيت
وف ضلوعك حيطان البيت
دفا وحنان حنان أمى
وهى بتبكى تحضنى تدفينى
أقوم اشبع من التنهيد فتروينى
ماانا عطشانة للمية
ونقطة من المطرنازلة
على جبينى فتحيينى
ودهر أبويا يسندنى يجمدنى
اكون واقفة كما النخلة ف مهب الريح
ولا أهتم بقيت لى زى أب وأم
وحضن وبيت
لأول مرة يازمانى ألاقى عيونه حضنانى وضمانى كما العناقيد
كما البذرة ف حضن الأرض
فتطرح زرعة ضلاية
وقمحة وسنبلة خضرة
وسجادة تقيمله الفرض
ويعشق كل تفاصيلى
سمايا وطرحتى ونيلى
يغنيلى عيونٍك ولالون الخد
لأول مرة بتَّاخدوسافرجوا شرايينك
واتوه ف الرحلة واتغرب
واوارب نبض كان سارح ف ليل جوًّاك وبيدينك ماانا الضى اللى ف جبينك
وانا اللى لاخرالمشوار
لاول مرة اقولهالك بحبك لحد آخر حد بحبك ياابن قلبى بجد
#الشاعرة_رضاعبدالوهاب
ليست هناك تعليقات:
إرسال تعليق