وحشاني *** بقلم السيدابوطاحون

وحشاني *** بقلم السيدابوطاحون
*********
قلت : وحشاااااااااااااااني يا بنت الايه !
قالت : وحشتك قد ايه ؟!

وحشاني
وحشاني قد الحياه
حاجة الورود للمياه
حاجة المريض لدواه
حاجة الجمال لهواه
حاجة الألم للاه
حاجة البشر للصلاه
*********
وحشاني
قد عمري اللي ابتدى
من يوم ما شفتك
قد حلمي اللي اتولد
لحظة عرفتك
قد كل الورد
اللى ملا كل الغيطان
وأنت تقولي كمان
رقص الطيور والنور
بيحبي في المكان
*********
وحشاني
قد جبال الغضب
م الغيبه والغربه
أعوم في عطرك
ياحبيبتي أنساه
وحشاني
قد الولد اللي تاه
ساعة وصوله
لحضن امه
والسكينة معاه
وحشاني
قد ابتسام النور
في خدود الفتاه
اول ما شافها
الورد قال الله
*********
#وحشاني
#السيدابوطاحون
#الأخنوم