========
حلوه الايام المتزوقه
كانها رايحه تقابل حبيبها
راحت الايام تقابل الاحلام
فى صورة شاب تمام
رجعت وباكيه وفى ايدها
رساله بحكايه غرام
كتب فيه الحلم
والقلب الجميل
والروح الصافيه
اعتذاربدمعه اسى
بسبب لعدم المقابله
واختيار الفرار
قال لحبيبته سامحى
رجولتى ويا سذاجتى
مفيش اختيار
وشوفت انهيار
وبطش لكرامتى
واختزال لحلمى
واستهانه براى
فقررت حبيبتى
انى ارجع لشقى
واخترت اكون فار
لما السباع نسيت
وجودى وصوتى
وواقفه برجوله
فى زمن النداله
ومش ناوى اعيش
ابدا عواله
ولا يكون صوتى
طبله وتار
ولا عمرى كنت مغنواتى
لناس سكاره وشلة حثاله
وده وصف لحاله
بس استحاله
تفضل جدودى
واموت قيودى
وافضل فى ضلى
اسقف لمسخ سخيف
وعويل ظريف لكن
دمه خفيف على
سيدى المخيف
وصوت الرصاصه
مصاحب
لساحل صاحبى المواطن
فى شارع داهس كرامه
بيقولى حامى النظام
والله حرام
نعيش الدياسه
ونسمى النجاسه
رجال الحراسه
يحيوا اللئيم
ويسموا الفقير
ويطبلوا لانواع النفاق
ويرشوا كبير
بكرش عريض
تضيع حقوق
وقبل مانفوق
يكون الجميل
متعشى هديه
وكنز كبير
واستراحه لباشا
مهم فى ساحل وشرم
وطياره خاصه
وتحيا لعمى
غفير التكيه
وزعلانه من انى
مجيتش اقابلك
وماتعرفيش انى
بستحى ابص
فى مرايه
واحكى حكايه
لصوره بظلم
او ضياع لحلم
=======
بقلم**محمد العليمى**
احسنت النشر********تحياتى
ردحذف