-----------.
تندم ليه ما بَصَمت خلاص؟!
وبقيت فُرجه في وسط الناس
ناس بتزغرد!
ناس بتهيص!
وأنت لا حول الله محتاس
ياما نَصحتك عيش أيامك
وبلاش يبقى عليك حُراس
أدم قبلك هجر الجنة
وبقى متشرد بين الناس
أنت المجني عليه بإيديه!
عايز ترجع؟
عدى الوقت بصمت خلاص
--------------------------.
بيت وعيال وحِمل تقيل
وأنت بتشقى ليل ونهار
تقتل نفسك بالتفكير
وربك وحده فى التدبير
ذي الثور بتدور فى الساقية
شغال يومي مفيش تفكير
بره البيت شغال بمدير
جوه البيت شغال لمدير
تلقى العمر بيجرى يعدى
وانت لحواء صيرت أسير
ياما نصحتك عيش أيامك
عيش وإتهنا ذى الطير
كل زهور الدنيا فى حضنك
تُشخط تُأمر ماانت أمير
ياما نصحتك اوعى تِسلم
وأنت مضيت وبدون تدبير
روحت بصمت قسيمة وقايمة
وبقيت ذى الثور فى الزير!
عايز تخرج؟
عدى الوقت بصمت خلاص
----------------------------.
ياللى نويت تُدخُل لجهنم
اسأل غيرك!
أدم ليه طب هجر الجنة
كتر خيرك!
اسأل ليه طب قيس إتجنن؟
أوعنتر ليه عاش يتألم؟
بعد ما كان بيهد جبال
عاش العمر الباقى جبان
طب ليه روميو قلبها جنازة؟
أصحى ياروميو بلاها جوازة
عايز ترجع؟!
عدى الوقت ياروميو خلاص
واشرب انت لوحدك كأس
ماانت بصمت بدون إحساس
وعدى الوقت بصمت خلاص
___________________
ياللى عملت جوازتك حجة
بأن جوازك أفضل سكة
قوللى ياروميو نولت مرامك
ولا قدرت تفتح عكا
جاى بتقوللى تعبت خلاص
لما بقيت شيال محتاس
عايز ترجع؟!!
ماانت بصمت ياروميو خلاص
----------------------------.
شعر / محمد توفيق
ليست هناك تعليقات:
إرسال تعليق